oabeit (fragment)
© 2009 sedl

hob mit da oabeit a problem
de stühlt ma mei zeit gaunz extrem
hab kaum mehr zeit fia aundare sochn
dabei warats so wichtig, aundare sochn zu mochn

doch waunn oabeit schon sein muass, wü i a poa mille p.a.
mia schwebat sowos vuar wia manager
seine “fähigkeiten” kriagat ma daunn a urnlich zoihlt
ma muaß nur schaun, daß de krawattn net in kaffee einefoit

do schod’ts a goar net, waunn ma a no a poa sprochn drauf hot
quasi bled redn kenna auf polyglott
waunnst an pfusch baust, muaßt zwoar geh’n wia woaundas a
dafia gehst mit an sonderbonus oda zwa

des gaunze laund is entsetzt - 10.000 leit freig’setzt
und de dividende winkt - bekaunntlich geld net stinkt
es is wirklich net a wunda, daß ma solche leit net mog
oba wer hot g’schriebn denan eana vatrog

i brauchat dringend a auszeit
a klane pause vo da oabeit
wo i afoch hob fia mi zeit
und wo i nur mehr moch, wos mi g’freit


i wü leben
brauchat mehr zeit fia mi und a fia di
i wü schwebn
hättat gern mehr zeit fia phantasie
i wü gebn
mechat texte schreibn und komponiern
i wü lebn
doch i hob ka zeit dafia

doch do muaß ma frei sei im kopf dafia
und waunn i gaunz ehrlich bin
föhlt ma fias hackln jeda sinn