neffe
© sedl /2009

waunn er auruaft, daunn stöts an de krausbirn’ auf
weil ma waß, jetzt kummt a schaß
er stühlt an wertvolle zeit und de geht drauf
er is a diab und ma geht haß

er a kriacha und a kniera, wach in da birn
vasteht de hölfte nur vo dem wos ma eam sogt
wo aundare den hintan haum do sitzt bei eam des hirn
a großa föhla, daß a wos zum sogn hot

er is da cheffe, weil da neffe
vom aufsichtsrot
a gfeulte krot
der den job nur hot
weil er da neffe vo an obaren is
und wer eam kennt, der sogt: “vagiss’!”

er sitzt do und erklärt an de wöd
nix wirklich neichs, doch er glaubt, wos er do dazöhlt
des warat g’wochsn ollas auf seinem mist
und daß er überhaupt da greßte is.

des mitn greßtn, jo des kunnt scho sein
des wort “trottel” passat do sehr guat hinein
und wias so is bei trottaln, waß er nix davon
doch leider olle aundan schon

er is da cheffe . .

wo er is, do wochst ka gros mehr
wos er tuat, des hot kan sinn
fia de firma, jo do issa ein echta zugewinn
a beses schicksal hot eam zu dem g’mocht wos er is
a schef, so bled, wia no vurher nie ana g’wesn is

i kunnt ma vurstölln
daß er jetzt warat a bissal bes auf mi
waunn er mi nur vastaundn hätt’
oba des wird er nie
drum sog ich es gaunz dezent
i hoit ihn fia hoib dement
und sei aundare hölfte fia idiotie

er is da cheffe . . .

oba trotzdem hob i eam gern
weil ma vo eam lernt, wia ma nie mecht werdn!