na, na na
© sedl 2008

und jetzt lieg i do im staub
des schaut net guat aus, so wia des ausschaut
grod heit woit i no so vü tuan
so wia des ausschaut, kumm i nimma dazua

am radl haums mi niedag'fiaht
i hätt vurraung g'hobt, auf moi is passiert
und i waß genau, i woar im recht
oba trotzdem is mei loge eher ziemlich schlecht

und irgendwie wird ma gaunz leicht
hättat hoit im leben gern no mehr erreicht
oba des is jetzt a scho egal
d'rum sing i: na na na . . .
sterbn tan ma olle, friha oda speda
und noch a poar joahr
spült des goar ka roin
und ollas wos daunn bleibt
des is die erkenntnis
man hätt´ vielleicht mehr leben soin
jo, mehr leben
mehr erleben
mehr von sich gebn
hätt´ ma soin
jo, mehr leben,
mehr erbeben,
mehr am meer leben
hätt´ ma soin

da oazt hot mi a scho aung'schaut
hot mi nur kurz aungriffn
si nix mehr um mi pfiffn
und no imma lieg i do im staub
des schaut schlimmer aus, als i am aunfang hätt' g'laubt

i hätt hoit gern no "baba" gsogt
zu a poar liabe leit und zu meina kotz
de foahrarin steht do und want
sie is so oam, i tua ma trotzdem mehr lad

hättat hoit a no a poar pläne g'hobt
de kaunn i ma aufmoin, des wird’s net spün im grob

doch in woahrheit kaunn i goa nix tuan
gegen solche sochn
kaunn ma kaum wos mochn
oba des is jetzt a scho egal
d'rum sing i: na na na . . .